Aðalfundur FEIF fór fram 28. janúar þar sem hefðbundin aðalfundarstörf og stjórnarkosningar voru á dagskrá. Fulltrúar Íslands á fundinum voru Linda Björk Gunnlaugsdóttir, formaður LH, og Friðrik Már Sigurðsson fyrir hönd Bændasamtaka Íslands (BÍ).

Jean-Paul Blaz gaf ekki kost á sér áfram sem forseti eftir tveggja ára setu, og í hans stað var Gundula Sharman kosin með stuðningi Danmerkur, Finnlands, Noregs og Svíþjóðar. Gundula hefur unnið að æskulýðsmálum innan FEIF um árabil og leggur áherslu á að efla velferð bæði hesta og manna, þróa sameinað alþjóðlegt kerfi í ræktun, íþróttum og menntun, og auka sýnileika FEIF á alþjóðavettvangi.

Ný stjórn FEIF:

Formaður frístundanefndar: Johan Andersson (Svíþjóð)

Formaður sportnefndar: Will Covert (endurkjörinn, Bandaríkin)

Formaður æskulýðsnefndar: Catherine Mynn (Sviss)

Formaður laganefndar: Jens Iversen (endurkjörinn, Danmörk)

Formaður aganefndar: Caroline van de Bunt (endurkjörin, Holland)

Ísland á áfram sterka fulltrúa í nefndum FEIF, meðal þeirra eru:

Kynbótanefnd: Friðrik Már Sigurðsson og Olil Amble

Sportnefnd: Sigurbjörn Bárðarson og Hulda Gústavsdóttir

Æskulýðsnefnd: Dagbjört Hulda Guðbjörnsdóttir

Menntanefnd: Herdís Reynisdóttir

Íþróttadómaranefnd: Elisabeth Jansen

Kynbótadómaranefnd: Þorvaldur Kristjánsson

Framundan er FEIF ráðstefna fyrstu helgina í febrúar þar sem fleiri íslenskir fulltrúar munu taka þátt í stefnumótun og framþróun samtakanna.